Тошкентнинг “Пахтакор” клубида бош мураббий ўзгарди. Клубга янги бош мураббий сифатида португалиялик мутахассис Педро Moreйра иш бошлайди. Бу ҳақда матбуот анжуманида маълум қилинди.
Жаҳонгир Ортиқхўжаевнинг маълум қилишича, янги бош мураббий билан 1+1 шаклида шартнома имзоланган. Унга 4 нафар ҳамюрти ёрдам беради.
Клуб раиси Жаҳонгир Ортиқхўжаев шунингдек, жамоага устозлик қилиб келган Максим Шацких клуб раиси маслаҳатчиси лавозмида ишлашда давом этишини маълум қилди.
“Шацких клубдан кетгани йўқ. Қаторасига иккита чемпионлик учун унга раҳмат айтамиз. Бу мавсумда чемпионлик мақсади қўймагандик. У директорлар кенгашида менга маслаҳатчи бўлиб қолади”, деди Тошкент шаҳрининг собиқ ҳокими.
Шунингдек, Жаҳонгир Ортиқхўжаевнинг айтишича, келгуси йил баҳордан “Пахтакор” стадиони FIFA стандартларига мослаб реконструкция қилинади. Клуб раиси янги мураббийнинг маошини очиқламасликка қарор қилди.
“Moreйрани маошини очиқламаслик учун шартномага қўл қўйганмиз. Қанча олса ҳам баракасини берсин, ҳалоллаб олсин”, деди Ортиқхўжаев.
Маълумот учун, Педро Moreйра ўз вақтида “Рома” ва “Шахтёр” клубларида Паулу Фонсекага ассистентлик қилган. “Спортинг” ёшлар жамоасида ҳам ишлаган.
Изоҳ (0)