Дебатхолда ўтказилаётган сиёсий партиялар иштирокидаги теледебатда Ўзбекистон Халқ демократик партиясидан Қонунчилик палатаси депутатлигига қўйилган номзод - Сайёра Имамовага Дори ва тиббий буюмларни нархларини қонун билан чеклаш таклифи акс самара бермайдими? Яъни нарх-наво бўйича соғлом рақобатни чеклаш дориларнинг “қора бозори” гуллаб кетишига ёки фармасевтика компанияларининг ўзаро тил бириктиришига сабаб бўлмайдими мазмунидаги савол берилди.
Жавоб: Сайёра Имамова
Халқимизда бир гап бор: “Чумчуқдан қўрққан тариқ экмайди”. Тиббий буюм ва дорилар аҳолининг ҳаёти сифатига таъсир қиладиган ижтимоий аҳамиятга эга товарлар ҳисобланади. Бу борада фақат бизнес манфаатларини эмас, айни пайтда аҳолининг манфаатларини ҳам ҳисобга олиш керак.
Ижтимоий аҳамиятга эга товар ва хизматлар нархини давлат томонидан тартига солиш тажрибаси дунёнинг исталган малакатида бор ва бу зарур масала.
Ковид – 19 пандемияси даврида айрим дорилар ва тиббий буюмларнинг нархи бир неча ўн баравар ошиб кетгани ҳали кўпчиликнинг ёдида бўлса керак.
Партиямиз парламент, депутатлик ҳамда жамоатчилик назорати ёрдамида эҳтиёжманд аҳолига дори-дармон воситалари, протезлаш воситалари ва бошқа тиббий-ижтимоий хизматларни харид қилиш қулай бўлиши учун курашади. Шу мақсадда дори ва тиббий буюмларни нархлари бўйича чекловларни белгилаш бўйича “Дори-дармонлар ва тиббий воситалар нархларини давлат томонидан тартибга солиш тўғрисида”ги Қонунни қабул қилишни таклиф этмоқдамиз.
Бизнинг партиямиз дори ва тиббий буюмларнинг нархларини тўлиқ тартибга солишни назарда тутмаяпти. Балки, уларнинг нархи асоссиз ошиб кетишининг олдини олиш бўйича назоратни кучайтириш бўйича таклиф билдиряпмиз.
Дори ва тиббий буюмларнинг нархлари аҳолининг харид қобилиятига мос бўлиши керак. Конституциямизда ҳам Ўзбекистон ижтимоий давлат белгилаб қўйилган ва бу эса дори ва тиббий буюмларнинг нархларини тартибга солишга монелик қилмайди.
Изоҳ (0)