Ўзбекистонда тозалаш ва ободонлаштириш хизмати ходимлари жамият учун муҳим ва қадрли меҳнатни амалга оширади. Улар ҳар куни эрта тонгдан шаҳар ва қишлоқларимиз кўчаларини тозалаш, боғларни ободонлаштириш, яшил ҳудудларни парваришлаш каби масъулиятли вазифаларни бажаради. Ушбу ишлар нафақат ҳудудни эстетик кўринишда сақлаш, балки соғлом ва тоза муҳит яратишга ҳам хизмат қилади.
Ходимларнинг меҳнати ободонлаштириш ва тозалаш жараёнида фақат ахлат йиғиш ёки кўчаларни супуриш билан чекланмайди. Улар атроф-муҳитни асраш, дарахтлар ва гулзорларни парваришлаш, жамоат жойларида тартибни сақлашга ҳисса қўшади. Айниқса, мавсумий ўзгаришлар даврида — кузда баргларни йиғиш, қишда қорларни кураш каби қўшимча вазифалар ҳам айнан уларнинг зиммасига юкланади.
Тозалаш ва ободонлаштириш хизмати ходимларининг меҳнати кўпинча кўзга кўринмас бўлишига қарамай, улар халқ фаровонлиги ва атроф-муҳитни яхшилаш учун тинмай ишлайдилар. Шу сабабли уларнинг меҳнатини қадрлаш ва ҳурмат қилиш, ҳеч бўлмаганда юрган йўлимизда чиқиндиларимизни белгиланмаган жойларга ташламаслигимиз зарур.
Изоҳ (0)