Туркиянинг Невшеҳир провинциясида 18 кишидан иборат сайёҳлар гуруҳини олиб кетаётган микроавтобус ҳалокатга учради. Бу ҳақда IHA агентлиги хабар берди.
Микроавтобус Ажигел шаҳри яқинида ҳайдовчи ёғингарчилик туфайли бошқарувни йўқотганидан кейин ағдарилган. Сайёҳлар Каппадокиядан Анталияга қайтаётган бўлган. Ҳодиса оқибатида 15 нафар хорижлик сайёҳ, икки нафар ҳайдовчи ва гид жабрланган.
Воқеа жойига тез ёрдам, полиция ва ўт ўчирувчилар юборилган. Жабрланганлар шаҳар шифохоналарига етказилиб, уларга тиббий ёрдам кўрсатилган.
Июль ойи бошида ҳам Анталияда бахтсиз ҳодиса юз берганди. Ўшанда автобусда жами 20 нафар — 16 нафар россиялик ва тўрт нафар беларуслик сайёҳ жароҳатланган, микроавтобус ҳайдовчиси эса вафот этган. Ҳодиса улар Алания меҳмонхоналаридан аэропортга кетаётганда содир бўлган.
Изоҳ (0)