Шавкат Мирзиёев 22 сентябрь куни Туркманистон президенти Сердар Бердимуҳамедов билан телефон орқали мулоқот қилиб, уни таваллуд куни билан табриклади.
Президент матбуот хизматининг хабар қилишича, давлат раҳбари унга мустаҳкам соғлик, бахт-саодат ва катта муваффақиятлар, қардош туркман халқига эса тинчлик ва равнақ тилади.
Ўзбекистон—Туркманистон дўстлик, яхши қўшничилик ва стратегик шериклик муносабатларини янада ривожлантириш ва мустаҳкамлаш масалалари кўриб чиқилди. Фаол сиёсий мулоқот ва самарали идоралараро алоқалар, жумладан, Ҳукуматлараро комиссия доирасидаги ҳамкорлик мамнуният билан қайд этилди.
Ўзаро товар айирбошлаш ҳажми ошмоқда, Шовот—Тошовуз чегараолди савдо зонаси барпо этилмоқда, энергетика ва транспорт соҳасидаги ҳамкорлик чуқурлашмоқда, ҳудудлараро ва маданий-гуманитар алмашинув дастурлари амалга оширилмоқда.
Президентлар минтақавий кун тартибининг долзарб жиҳатлари ва қўшма тадбирлар режасини ҳам кўриб чиқди.
Изоҳ (0)