Тошкент шаҳрига кириб келаётган Lexus автомашинаси йўловчисининг ёнида тақиқланган модда борлиги аниқланди. Бу ҳақда Тошкент шаҳар ИИББ ЙҲХБ ахборот хизмати хабар берди.
Маълум қилинишича, 15 сентябрь куни соат 21:00 ларда Бектемир туманига хизматга жалб қилинган ЙПХ инспекторлари томонидан Lexus автомашинаси тўхтатилиб текширилганда йўловчиси 27 ёшли Шахбоз исмли шахснинг кўриниши ва хатти-ҳаракатлари, ходимларда шубҳа уйғотган.
2 нафар холислар иштирокида текширилганда унинг ёнидан жигар рангли, ўткир ҳидли мумсимон наркотик моддасига ўхшаш модда топилган.
Мазкур ҳолат юзасидан тегишли ҳужжатлар расмийлаштирилиб, фуқаро ҳамда аниқланган модда Бектемир тумани ИИО ФМБга топширилган.
Изоҳ (0)