Россиянинг Хабаровск ўлкасида Ўзбекистон фуқароларини террорчиларга қўшилишга ёллаган шахс қўлга олинди. Бу ҳақда Федерал хавфсизлик хизмати хабар берди.
“Террорчилик фаолиятига кўмаклашган Марказий Осиё давлатларидан бирининг фуқароси қўлга олинди. Ушланган шахс Ўзбекистон фуқароларини ўқитиш ва халқаро террорчилик ташкилоти фаолиятида бевосита иштирок этиш учун жалб қилган”, дейилади хабарда.
Ҳолат юзасидан Жиноят кодексининг 205.1-моддаси 1.1-қисми (террорчилик фаолиятига кўмаклашиш) билан жиноят иши қўзғатилган. Эркак қамоққа олинган, унга нисбатан тергов давом этмоқда.
“Аргументи и Факти” нашрининг ёзишича, қўлга олинган эркак Ўзбекистон фуқароси ҳисобланади. У шу ҳафта ёнилғи қуйиш шохобчасида ушланган. Эркак террорчи ташкилот учун ўз ватандошларини ёллаган.
Изоҳ (0)