“Ҳудудий электр тармоқлари” АЖ жаҳонда етакчи рейтинг агентликларидан бири ҳисобланган Fitch Ratings халқаро рейтинг агентлигининг ББ- барқарор даражадаги халқаро кредит рейтингини сақлаб қолди.
Агентликнинг жорий йил 20 августдаги ҳисоботида “Ҳудудий электр тармоқлари” АЖнинг халқаро индикатив рейтингини ББ- “барқарор” даражада қайта тасдиқлади.
![](/static/2024/08/21/skrin111-f4w-o-fW.jpg)
Таъкидланишича, халқаро рейтинг агентлиги томонидан “Ҳудудий электр тармоқлари”АЖнинг нафақат молиявий-иқтисодий ва бизнес стратегияси ҳолати, балки молиявий модели барқарорлиги ҳамда корпоратив бошқарув тизими ва бошқа йўналишлари ҳам чуқур ўрганилди ва таҳлил қилинди.
Аҳамиятлиси, мазкур рейтинг жаҳоннинг инвестиция бозорларида “Ҳудудий электр тармоқлари” АЖни аниқ ва равшан бизнес стратегияси, шаффоф молиявий ҳолати ва кучли корпоратив бошқарув тизимига эга корхона сифатида танитади.
Ўз навбатида, қўлга киритилган мазкур ютуқ келгусида “Ҳудудий электр тармоқлари” АЖнинг иқтисодий барқарорлигини янада оширишга хизмат қилиш билан бирга, инвестиция лойиҳаларини амалга оширишда хорижий кредитларни давлат кафолатисиз тўғридан тўғри жалб қилиш имкониятини беради.
Жамият ушбу эришилган ютуқ билан чегараланиб қолмаслиги, келгуси йилларда рейтинг даражасини янада ошириш ҳамда уни барқарор сақлаб қолиш йўлида истиқболли лойиҳаларни амалга ошириш ҳамда мамлакат электр энергетикаси тизимини изчил ривожлантиришга қаратилган фаолиятини самарали давом эттиришга интилиши таъкидланган.
Маълумот учун: Fitch Ratings халқаро рейтинг агентликларининг катта тўртлигига киради.
Изоҳ (0)