“МДҲ халқларига қарши доимий гибрид уруш олиб борилмоқда” — Лукашенко

МДҲ халқларига қарши доимий гибрид уруш олиб борилмоқда. Бу ҳақда Беларусь президенти Александр Лукашенко маълум қилди.

“Халқларимизга қарши доимий гибрид уруш олиб борилмоқда ва МДҲнинг ҳар бир давлати аллақачон камида битта рангли инқилобни бошдан кечирган. Бу моҳиятан тўнтаришга уринишдир”, дейди Лукашенко Минскда Ҳамдўстликка аъзо давлатлар ички ишлар вазирлари билан учрашувда.

Беларусь президенти МДҲ давлатларининг ичидан жанжаллашиш ва бўлинишга уринишларни қайд этиб, давлатлар ноқонуний бир томонлама иқтисодий санкциялар босими остида қолганини таъкидлаган.

Лукашенконинг таъкидлашича, Беларусь ҳам бундан мустасно эмас, у 2020 йилда исён кўтаришга уриниб, “давлатни ағдариб ташлаш”га уринишларни эслаган.

“Улар маълум тартиб-қоидалар бўйича ҳаракат қилишди. Биз мамлакатнинг парчаланиши ва унда фуқаролар уруши бошланишининг олдини олдик. Беларусдаги вазиятни ўзгартириш учун бир қатор туб қадамлар қўйдик”, дея қўшимча қилган Беларусь раҳбари.

У, шунингдек, ҳуқуқ-тартибот идоралари олдида турган вазифалардан бири давлатлар ичида барқарорликни таъминлашдан иборат эканини қайд этган.