Вазирлар Маҳкамасининг “Транспорт воситаларини мажбурий техник кўрикдан ўтказиш тартибини такомиллаштиришга доир қўшимча чора-тадбирлар тўғрисида”ги қарорига ўзгартириш ва қўшимчалар киритилди.
Ўзгартиришларга кўра:
- юридик шахсларнинг транспорт воситаларини техник кўрикдан ўтказиш жойларини Давлат йўл ҳаракати хавфсизлиги хизмати бўлинмалари томонидан белгилаш тартиби бекор қилинмоқда;
- тадбиркорлик субъектларига М1, М2, М3, Н1, Н2, Н3 тоифадаги транспорт воситаларини техник кўрикдан ўтказиш хизматини кўрсатишга рухсат берилмоқда;
- Давлат йўл ҳаракати хавфсизлиги хизмати томонидан техник кўрик хизматини кўрсатувчи тадбиркорлик субъектларининг уставлари нусхасини талаб қилиш амалиёти бекор қилинмоқда;
- техник кўрик хизматини кўрсатувчи тадбиркорлик субъектларининг электрон тизимлари Давлат йўл ҳаракати хавфсизлиги хизматининг “Техник кўрик” модули билан интеграция қилиниши керак.
Шунингдек, транспорт воситасини техник кўрикдан ўтказиш учун жисмоний ва юридик шахслар ЯИДXП ёки Давлат йўл ҳаракати хавфсизлиги хизматининг мобил иловаси орқали мурожаат қолдиришлари мумкин. Бунда мурожаат электрон тарзда тадбиркорлик субъектига юборилади. Транспорт эгаларига техник кўрик ўтказиш вақти ва жойи ҳақида онлайн хабарнома юборилади.
Ҳужжат Қонун ҳужжатлари маълумотлари миллий базасида эълон қилинган ва 2024 йил 14 октябрдан кучга киради.
- Аввалроқ Ўзбекистонга четдан вақтинча кирган автомобилларга ортиқча кун учун йиғим миқдори ўзгаргани тўғрисида хабар берилганди.
- Ҳужжатга кўра, божхона божлари ва солиқлардан тўлиқ озод этилган муддат ўтгандан сўнг хорижий автотранспорт воситасини бир йил ичида 90 кундан ортиқ муддатга вақтинчалик олиб кирганлик учун олиб чиқиб кетиш муддатининг ўтказиб юборилган ҳар куни учун базавий ҳисоблаш миқдорининг 1 баравари (340 минг сўм) миқдорида йиғимни тўлаш шарти билан йўл қўйилади.
Изоҳ (0)