Ўзбекистонда ўсимликлар карантини қоидалари ҳамда фитосанитария талаблари енгиллаштирилиши кутилмоқда.
Сенатнинг 10 июлдаги ялпи мажлисида “Фитосанитария талаблари енгиллаштирилиши муносабати билан ъЎсимликлар карантини тўғрисидаъги Ўзбекистон Республикаси қонунига қўшимча ва ўзгартириш киритиш ҳақида”ги қонун кўриб чиқилиб, маъқулланди.
Қонун билан фитосанитария сертификатини ёки гувоҳномасини олиш талаб этилмайдиган карантин остидаги маҳсулотларни олиб киришда экспорт қилувчи хорижий мамлакатларнинг фитосанитария сертификатини ёки гувоҳномасини талаб этиш бекор қилинмоқда.
Шу билан бирга, қонунда Ўсимликлар карантини ва ҳимояси агентлиги томонидан карантин остидаги маҳсулотнинг ҳар бир туркумига алоҳида-алоҳида бериладиган карантин рухсатномаси мавжуд бўлган тақдирда, хорижий мамлакатлардан карантин остидаги маҳсулотларни олиб киришга йўл қўйилиши мустаҳкамланмоқда.
Сенаторларнинг таъкидлашича, ушбу янгиликлар ички бозорларда асосий турдаги маҳсулотлар нархининг барқарорлигини таъминлашга, импорт ҳисобидан қопланадиган аҳолининг истеъмол талаби юқори бўлган маҳсулотларни олиб киришда тадбиркорлик субъектларига имкониятлар яратишга хизмат қилади.
Изоҳ (0)