Қирғизистон президенти Садир Жапаров Европа комиссияси ижрочи вице-президенти Валдис Домбровскис билан учрашувда Қирғизистоннинг ташқи қарзини “яшил” лойиҳаларга алмаштириш имкониятини кўриб чиқишни таклиф қилди.
Жапаров Қирғизистон Республикаси “яшил” кун тартибини фаол равишда илгари сураётганини ва 2030 йилга бориб иссиқхона газлари эмиссиясини 44 фоизга камайтиришни, шунингдек, 2050 йилгача углерод нейтраллигига эришишни мақсад қилганини айтган.
Шунингдек, Қирғизистонда сув ресурсларини бошқариш бўйича лойиҳаларни амалга ошириш, тоғ-кон саноатига замонавий, экологик тоза технологияларни жорий этиш юзасидан фикр алмашилган, —дейилади хабарда.
Бундан ташқари, у Қирғизистон ўзининг географик жойлашуви ва транзит салоҳияти туфайли савдо ва инвестициялар учун катта имкониятларни тақдим этишини қўшимча қилган.
Изоҳ (0)