Qirg‘iziston prezidenti Sadir Japarov Yevropa komissiyasi ijrochi vitse-prezidenti Valdis Dombrovskis bilan uchrashuvda Qirg‘izistonning tashqi qarzini “yashil” loyihalarga almashtirish imkoniyatini ko‘rib chiqishni taklif qildi.
Japarov Qirg‘iziston Respublikasi “yashil” kun tartibini faol ravishda ilgari surayotganini va 2030-yilga borib issiqxona gazlari emissiyasini 44 foizga kamaytirishni, shuningdek, 2050-yilgacha uglerod neytralligiga erishishni maqsad qilganini aytgan.
Shuningdek, Qirg‘izistonda suv resurslarini boshqarish bo‘yicha loyihalarni amalga oshirish, tog‘-kon sanoatiga zamonaviy, ekologik toza texnologiyalarni joriy etish yuzasidan fikr almashilgan, —deyiladi xabarda.
Bundan tashqari, u Qirg‘iziston o‘zining geografik joylashuvi va tranzit salohiyati tufayli savdo va investitsiyalar uchun katta imkoniyatlarni taqdim etishini qo‘shimcha qilgan.
Izoh (0)