Қирғизистонда сентябрь ойидан шифокорларнинг маоши 50 фоизга оширилади. Бу ҳақда соғлиқни сақлаш вазирининг биринчи ўринбосари Медербек Исмоилов хабар берди.
![](/static/2024/06/24/photo_2024-06-24_11-18-26-U9KGqfh1.jpg)
Вазир ўринбосари 24 июнь куни Жогорку Кенешнинг ижтимоий сиёсат бўйича қўмитаси йиғилишида бу ҳақда маълумот берган. У ҳамшираларнинг маоши 20 фоизга, паст лавозимли тиббиёт ходимларининг маоши эса 10 фоизга ошишини айтган. Исмоилов бу масала аллақачон ҳал бўлганини таъкидлаган.
“Улар менга таклифлар берди. Қисқа муддатли чора-тадбирларни назарда тутувчи президент фармони тайёрланмоқда. 1 июлдан айрим тоифадаги шифокорлар учун 20 минг сомдан (салкам 3 миллион сўм) қўшимча тўлов берилади”, — деди у.
Апрель ҳолатига кўра, Қирғизистонда шифокорларнинг ўртача ойлик маоши 2023 йил 23,5 минг сомни (3,4 миллион сўм) ташкил қилган.
- Ўрта тоифали шифокорлар 19,1 минг сом (2 млн 700 сўмдан зиёд);
- Паст тоифали шифокорлар 13,6 минг сом (1 млн 900 сўмдан ортиқ) маош олади.