5 июнь — Халқаро югуриш куни. Ҳеч кимга сир эмаски, спорт нафақат танага, балки руҳиятга ҳам ижобий таъсир кўрсатади. Шифокорлар бежизга айнан югуриш билан шуғулланишни тавсия қилмайди, чунки у ўпка, юрак ва асаб тизимини яхшилайди ва иммунитетни кўтаради. Бугунги мақолада ҳар куни ўз устида ишлашга ҳамда спорт билан шуғулланишга ундайдиган энг ёрқин фильмларни санаб ўтамиз.
“Форрест Гамп” (1994)
Фильм ақлий қобилиятлари қисман чекланган ҳолда туғилган бир йигит ҳақида ҳикоя қилади. Форрест Гамп болалигидан умуртқа поғонасидаги муаммолар туфайли тўғри юра олмайди ва махсус қистирмалар тақиб юради. Аммо югуриш пайтида йигит бирдан “соғая бошлайди”: Форрест безорилардан қочишга мажбур бўлганда танасидаги қистирмалар узилиб кетади ва фильм қаҳрамони ёрдамсиз қаддини тик тутган ҳолда югуради.
“Флеш” (2014)
Сериал чақмоқ урганидан кейин супер кучга эга бўлган криминалчи Барри Аллен ҳақида ҳикоя қилади. Энди унинг ғайритабиий тезликда ҳаракатлана олиш қобилияти бор. Қаҳрамонга табиат инъом этган неъмат ва кучни инсонлар ҳаётини сақлаб қолиш ва бошқа кўплаб эзгу амаллар учун ишлатади.
“Мен озмоқдаман” (2018)
Фильм тўйидан кейин ўз соғлиғи ва ташқи кўринишига ғамхўрлик қилишни тўхтатган Аня исмли қиз ҳақида ҳикоя қилади. Унинг жуда катта ортиқча вазнга эгалиги турмуш ўртоғига ёқмайди ва эркак унга хиёнат қила бошлайди. Бундай воқеадан сўнг озишга ва соғлом турмуш тарзига риоя қилишга жиддий киришади. Аня худди шундай мақсадли йигитни учратади ва у билан югура бошлайди. Натижада Аня яна асли ҳолатига — нозик қоматли гўзал қиз қиёфасига қайтади.
“Югур бақалоқ, югур” (2007)
Фильм ўзининг ҳомиладор қаллиғи Либбига уйланмоқчи бўлган Дэннис Дойл ҳақида. Афсуски, тўй арафасида келажакдаги масъулиятдан қўрққан Дейл қочиб кетади. Орадан беш йил ўтиб, у дўконга қўриқчи бўлиб ишга киради ва ертўладаги кичкина квартирани ижарага олади. Бу вақтда Либби бадавлат тадбиркор билан учрашиб юрар, ўғлининг тарбияси билан шуғулланар эди. Дэннис уни учратгач, хатосини тўғрилашга ҳаракат қилади.
“Югураётган одам” (1987)
Арнолд Шварсенеггер иштирокидаги жанговар фильм сюжетига кўра, телевидениеда “Югураётган одам” шоуси берила бошлайди ва TV саноати ривожланишининг янги босқичига қадам қўяди. Дастурда жиноятчилар профессионал спортчиларнинг қурбони бўлишади. Дастур иштирокчилари — жиноятчилар 1996 йилда Лос-Анжелесдаги зилзиладан вайрон бўлган ҳудудларда таъқибга учрайди.
Изоҳ (0)