Польша ўзининг иттифоқдош давлатлари билан биргаликда Россиянинг Украина ҳудудига берган ҳаво ҳужуми туфайли тунда жанговар самолётларини ҳавога кўтарди. Бу ҳақда Польша қуролли кучлари оператив қўмондонлиги хабар берди.
Польша ҳарбийлари баёнотида 7 июндан самолётлар мамлакат ҳаво ҳудудида ҳаракатлана бошлагани таъкидланган. Бу “шовқин даражасининг, айниқса, мамлакат жануби-шарқий қисмида ошишига олиб келиши” мумкинлиги сабабли аҳоли огоҳлантирилган.
Бугун тунда Россиянинг узоқ масофали авиацияси томонидан қанотли ракеталар, Shahed дронлари, баллистик ракеталар билан Украинанинг ғарбий ҳудудида жойлашган нишонларга ҳужумлари билан боғлиқ фаоллик кузатилмоқда, — дейилган 7 июндаги баёнотда.
Польша ҳарбийлари Россия авиациясининг бундан олдинги фаоллиги 1 июнга ўтар кечаси Украинанинг ғарбий вилоятларига ҳужумлар пайтида кузатилганини эслатган.
Польша ҳаво ҳудуди хавфсизлигини таъминлаш учун барча зарур процедураларни бошлади ва Оператив қўмондонлик вазиятни доимий равишда кузатиб боради, — дея қўшимча қилди Польша қуролли кучлари оператив қўмондонлиги.
Изоҳ (0)