WBA рейтинги янгиланди. Ҳасанбой Дўстматов, Шаҳрам Ғиёсов ва Бектемир Мелиқўзиев — етакчи. Исроил Мадримов — чемпион

Бутунжаҳон бокс ассоциацияси (WBA) май ойи якунларига кўра янгиланган рейтингни эълон қилди.

Рейтингдан 8 нафар ўзбекистонлик боксчи ўрин олган бўлиб, уларнинг 3 нафари ўз вазнларида 1-ўринни эгаллаб турибди. Исроил Мадримов эса супер ярим ўрта вазн чемпиони ҳисобланади. Ушбу ойда фақатгина Муҳаммад Шехов бир поғона юқорилади.

Май ойида янгиланган рейтинг қуйидагича кўриниш олди:

• Ҳасанбой Дўстматов - (минимал вазн) 1-ўрин (ўтган ойда ҳам 1-ўрин эди);
• Муроджон Аҳмадалиев (биринчи ярим енгил вазн) - ўтган ойдаги сингари 1-ўрин;
• Муҳаммад Шехов (биринчи ярим енгил вазн) - 10-ўрин (ўтган ойда 9-ўрин эди);
• Отабек Холматов (ярим енгил вазн) - 4-ўрин (ўтган ойда ҳам 4-ўрин эди);
• Ботир Аҳмедов (супер енгил вазн) - 10-ўрин (ўтган ой 9-ўринда эди);
• Шаҳрам Ғиёсов (яримўрта вазн) - ўтган ойдаги сингари 1-ўрин;
• Исроил Мадримов (супер ярим ўрта вазн) - вазн чемпиони;
• Бектемир Мелиқўзиев (супер ўрта вазн) - 4-ўрин (ўтган ой ҳам 4-ўринда эди).

Маълумот учун, 3 август куни Теренс супер ярим ўрта вазн тоифасида WBA камари соҳиби, ўзбекистонлик Исроил Мадримовга қарши жанг қилади. Улар ўртасидаги қарама-қаршилик Лос-Анжелесда бўлиб ўтади. 

Профессионал боксда мағлубиятсиз ҳаракат қилаётган Шаҳрам Ғиёсов навбатдаги жангини 3 август куни Мадримов жанг қиладиган аренада ўтказишини маълум қилган эди.