Испаниянинг World2Fly авиакомпанияси Мадридни Тошкент ва Урганч билан чартер рейслар орқали боғлайди, деб хабар бермоқда Uzbekistan Airports матбуот хизмати.
Мадрид—Тошкент йўналиши бўйича биринчи йўловчи рейси 2024 йил 23 майга белгиланган.
Тошкент—Мадрид—Тошкент ва Урганч—Мадрид—Урганч йўналиши бўйича парвозлар ҳар икки ҳафтада бир марта амалга оширилиши режалаштирилган. Парвозлар Airbus А330-300 самолётларида амалга оширилади.
Charter рейслар июнь ойи охиригача давом этади ва 2024 йилнинг сентябрьидан октябрига қадар қайта тикланади.
World2Fly — 2020 йилда ташкил этилган ва штаб-квартираси Палма-де-Мальоркада жойлашган Испания авиакомпанияси.
2024 йилнинг бошларида Каннак сайёҳлик компанияси директори Карлос Флоридо мазкур чартер рейслар доирасида Ўзбекистонга сайёҳлик йўналишини ишлаб чиққанини айтганди. 2023 йилда Ўзбекистоннинг Мадриддаги элчихонасида Испания айёҳлик компанияси раҳбари билан ушбу давлатдан Ўзбекистонга тўғридан тўғри ва чартер ҳаво қатновларини йўлга қўйиш ҳамда мамлакатнинг сайёҳлик салоҳиятини Испания ва Лотин Америкаси ҳудудларида тарғиб этиш орқали туристлар оқимини оширишни муҳокама қилганди.
Изоҳ (0)