Ўзбекистоннинг Мадриддаги элчихонасида Испаниянинг Unincoming Tour SL сайёҳлик компанияси бош директори, Валенсиядаги Silkway SL Испания—Ўзбекистон савдо ва сармоя уйининг раҳбари ўринбосари Оскар Лацо билан учрашув бўлиб ўтди, деб хабар бермоқда “Дунё” ахборот агентлиги.
Қайд этилишича, унда Испаниядан Ўзбекистонга тўғридан тўғри ва чартер ҳаво қатновларини йўлга қўйиш ҳамда мамлакатнинг сайёҳлик салоҳиятини Испания ва Лотин Америкаси ҳудудларида тарғиб этиш орқали туристлар оқимини ошириш ҳақида фикр алмашилган. Бунинг учун мутасадди ташкилотлар, сайёҳлик компаниялари ва оммавий ахборот воситалари вакиллари учун инфотур ташкил этиш билан боғлиқ масалалар муҳокама қилинган.
17—24 март кунлари 26 нафардан иборат гуруҳ аъзолари учун Мадрид—Истанбул—Тошкент—Самарқанд—Бухоро—Хива—Урганч—Истанбул—Мадрид йўналиши бўйича инфотур режалаштирилган. Ушбу гуруҳ таркибидан Испания ва Мексика турагентлари, блогерлар, ютуберлар, инфлюенсерлар ва ОАВ вакиллари жой олган.
Маълумот учун, Оскар Лацо 2022 йил март ойида амалий сафар билан Ўзбекистонда бўлган эди.
Изоҳ (0)