А Серия. Элдор Шомуродов асосий таркибда майдонга тушган ўйинда “Кальяри” “Сассуоло”ни ишончли ҳисобда мағлуб этди

Футбол бўйича Италия А Сериясининг 37-турида “Кальяри” ва “Сассуоло” 19 май, якшанба куни ўзаро баҳс олиб борди.

Ўзбекистонлик футболчи Элдор Шомуродов учрашувни асосий таркибда бошлади ва иккинчи бўлимда ўз ўрнини Лувумбога бўшатиб берди.

“Кальяри” 2:0 ҳисобида зафар қучди. Жамоа сафида Прати ва Лападула ўз номини таблога ёздириб қўйди.

Ушбу ғалабадан сўнг “Кальяри” очколари сонини 36 тага етказиб, 14-ўринга кўтарилиб олди.

А Серия

37-тур баҳси

19 май, якшанба

“Сассуоло” — “Кальяри” 0:2

Голлар: 0:1 – 71 Прати, 0:2 – 90+1 Лападула (пенальти).

“Сассуоло”: Консили, Миссори, Ferrari, Эрлич, Руан, Дойг, Рачич, Матеус Энрике, Торстведт, Лорянте, Пинамонти.

“Кальяри”: Скуффет, Заппа, Мина, Доссена, Аужелло, Деьола, Нандес, Гаэтано, Сулемана, Лападула, Шомуродов.

Огоҳлантиришлар: Торстведт (54), Деёла (61), Доссена (76), Пинамонти (79), Матеус Энрике (90+3).

Четлатиш: Матеус Энрике (90+3).