“Манчестер Сити”нинг 23 ёшли ярим ҳимоячиси Филипп Фоден АПЛда мавсумнинг энг яхши футболчиси деб топилди.
“Ушбу мукофотни олиш мен учун жуда фахрланадиган ютуқдир. Англия Премьер Лигаси дунёнинг энг яхши лигаси сифатида тан олинган ва мен ўз клубларида мавсумни ажойиб ўтказаётган бошқа кўплаб футболчилар қаторида эканлигимдан хурсандман.
Умуман олганда, бу мавсумдаги ўйинимдан жуда хурсанд бўлдим ва мавсум давомида жамоамга голлар ва голли узатмалар билан ғалабаларда ўз ҳиссамни қўшганимдан жуда хурсандман”, — дейди “Сити” ярим ҳимоячиси.
Фил Фоден “Манчестер Сити”нинг барча ходимларига, мураббийларига, айниқса жамоадошларига раҳмат айтиб, бу мукофотни уларсиз қўлга кирита олмаслигини айтди.
“Шунингдек, фурсатдан фойдаланиб, менга овоз берган барчага миннатдорчилик билдирмоқчиман, чунки бу мукофот мен учун жуда катта аҳамиятга эга”,— дейди Фоден.
- Жорий мавсумда АПЛда Фоден 34 та ўйинда иштирок этиб, 17 та гол ва 8 та голли узатмани амалга оширган.
- Фоденнинг клуб билан амалдаги меҳнат шартномаси 2027 йилнинг ёзига қадар тузилган.
- Transfermarkt порталида берилган маълумотларга кўра, футболчининг бозор қиймати 130 миллион еврони ташкил қилади.
Эслатиб ўтамиз бош соврин учун Палмер, Ҳоланд, Сака, ван Дейк, Деклан Райс каби футболчилар кураш олиб борган эди.
Изоҳ (0)