Исроил ҳукуматидан Ғазога қуруқлик орқали гуманитар ёрдам киритишни талаб қилган 13 мамлакат раҳбарияти 17 май куни қўшма баёнот эълон қилган. Бу ҳақда Anadolu нашри хабар берди.
Баёнотда Исроилнинг Рафаҳда олиб бораётган ҳарбий операцияси оғир оқибатларга олиб келиши мумкинлигидан огоҳлантирилган. Тель-Авивдан бу борада зарур чоралар кўриш талаб қилинган.
Қўшма баёнотни Канада, Германия, Франция, Италия, Япония, Буюк Британия, шунингдек, Австралия, Дания, Финляндия, Нидерландия, Янги Зеландия, Жанубий Корея ва Швеция каби 13 давлат эълон қилган. Ҳукуматлар номидан ташқи ишлар вазирлари баёнотни имзолаган.
Баёнотда дастлаб Исроилнинг ҲАМАС гуруҳига қарши ўзини ҳимоя қилиш ҳуқуқи қўллаб-қувватланган. Рафаҳдаги операцияга кенг миқёс бермаслик талаб қилинган. Бу операция тинч аҳоли учун ҳалокатли оқибатларга олиб келиши мумкинлиги таъкидланган.
Давлатлар эътиборидаги биринчи муҳим масала Миср ва Ғазо ўртасидаги Рафаҳ ўтказиш пунктини очиш бўлган. Ҳозирда бу пунктни Исроил тўлиқ назорат қилмоқда. Гуманитар ва ҳар қандай юклар ўтказилиши тўхтатилган.
Изоҳ (0)