Япониянинг Кобе шаҳри мезбонлик қилаётган пара енгил атлетика бўйича жаҳон чемпионати бўлиб ўтмоқда.
Бундан бир оз аввал эркаклар ўртасида F37 классида ядро улоқтириш дастурида иштирок этган ўзбекистонлик Қудратуллахон Маъруфхўжаев 15.68 метр натижа билан олтин медалга сазовор бўлди.
Эслатиб ўтамиз, Қудратуллахон Маъруфхўжаев 2023 йил Парижда бўлиб ўтган жаҳон чемпионатида 14.69 метр натижа билан кумуш медал ҳамда Париж—2024 ёзги Паралимпия ўйинларига лицензияни қўлга киритган эди.
Шунингдек, Кубаро Ҳакимова аёллар ўртасида F41 классида ядро улоқтириш бўйича 9.88 метр натижа билан кумуш медалга сазовор бўлди.
Эслатиб ўтамиз, Кубаро Ҳакимова 2023 йил Парижда бўлиб ўтган Жаҳон чемпионатида 9.83 метр натижа билан кумуш медал ҳамда Париж—2024 ёзги Паралимпия ўйинларига лицензияни қўлга киритган эди.
Изоҳ (0)