O‘zbekiston va Tojikistonda piyozning ulgurji narxlari rekord darajda pastladi. Bu haqda EastFruit portali xabar berdi.
Portal ma’lumotlariga ko‘ra, ulgurji bozorda yangi piyozning bir kilogrammi 10 sentdan 20 sentgacha turadi. Mutaxassislar mazkur sabzavotning bir tonnasini 100 dollarga sotib olish mumkinligini aytmoqda.
Bu narx yuqori sifatli, saralangan va qadoqlangan mahsulotlar uchun. Fermerlar daladan jo‘natilgan mahsulot uchun undan ham kamroq pul oladi, — deyiladi xabarda.
Mutaxassislar O‘zbekiston va Tojikistonda erta piyozning yuqori hosilini bashorat qilmoqda, bu esa ushbu mahsulot narxining oshishiga yo‘l qoldirmaydi. May oyi o‘rtalarida piyoz narxi barqarorlashishi kutilmoqda.
Joriy yilning yanvar—mart oylarida O‘zbekistondan qariyb 26 million dollarlik 103 ming tonna piyoz eksport qilindi. O‘tgan yilgi ma’lumotlar O‘zbekistondan piyoz eksporti yil davomida sezilarli darajada — 18,3 barobar oshganini ko‘rsatadi.
Izoh (0)