La Gazzetta dello Sport хабарига кўра, “Ювентус”нинг собиқ ҳужумчиси Криштиану Роналду клуб билан 19,5 миллион евро миқдоридаги тўланмаган маош бўйича судда ғалаба қозонган.
Бироқ португалиялик футболчи барча пулни олмайди. Арбитраж суди кўпчилик овоз билан қуйидагиларга қарор қилди:
- Криштиану Роналду ҳолатга бўлган эътиборсизлиги сабаб айбдор деб топилди;
- “Ювентус” футболчига 9 774 166,66 евро ва фоизларни, яъни португалиялик талаб қилган сумманинг 50 фоизини тўлаши шарт деб топилсин.
Турин клуби мутасаддилари судда ғалаба қозонишига ишончи комил эди, шунинг учун бу маблағлар жорий бюджетга киритилмаган. Бу суд қарори улар учун кутилмаган бўлди.
Роналду 2018 йилдан 2021 йилгача “Ювентус”да ўйнаган ва бу даврда туринликлар билан бешта совринни қўлга киритган.
Изоҳ (0)