“ПСЖ” ҳужумчиси Усмон Дембеле Европа Чемпионлар Лигаси чорак финал жавоб учрашувида “Барселона”га қарши майдонга тушди ва энг яхши футболчи учун бериладиган совринни қўлга киритди.
![](/static/2024/04/17/stalo-izvestno-imya-luchshego-igroka-otvetnogo-matcha-1-4-finala-lch-mezhdu-pszh-i-barselo_17133259061459918461-6fbxIwBN.jpg)
26 ёшли франциялик футболчи ўйинда гол урди ва бу “ПСЖ”га ҳисобни тенглаштиришга ёрдам берди.
"У ҳужумда кескин ҳаракат қилди ва парижликларнинг муваффақиятида асосий фигурага айланди", — деб тушунтирди УЕФА техник кузатувчилари гуруҳи ўз танлови ҳақида.
Жорий мавсумда Дембеле 36 та ўйин ўтказиб, 3 та гол урди ва 14 та голли узатмани амалга оширди.
Дембеле 2023 йилнинг августида “Барселона”дан “ПСЖ”га ўтган эди. Трансфер суммаси 50 миллион еврони ташкил қилган футболчининг клуб билан шартномаси 2028 йилнинг ёзига қадар тузилган.
Transfermarkt француз футболчисини 60 миллион еврога баҳоламоқда.
“ПСЖ” Чемпионлар Лигаси ярим финалида “Атлетико Мадрид”ни умумий 5:4 ҳисобида мағлуб этган “Боруссия” (Дортмунд) билан ўйнайди.
Изоҳ (0)