“PSJ” hujumchisi Usmon Dembele Yevropa Chempionlar Ligasi chorak final javob uchrashuvida “Barselona”ga qarshi maydonga tushdi va eng yaxshi futbolchi uchun beriladigan sovrinni qo‘lga kiritdi.
26 yoshli fransiyalik futbolchi o‘yinda gol urdi va bu “PSJ”ga hisobni tenglashtirishga yordam berdi.
"U hujumda keskin harakat qildi va parijliklarning muvaffaqiyatida asosiy figuraga aylandi", — deb tushuntirdi UEFA texnik kuzatuvchilari guruhi o‘z tanlovi haqida.
Joriy mavsumda Dembele 36 ta o‘yin o‘tkazib, 3 ta gol urdi va 14 ta golli uzatmani amalga oshirdi.
Dembele 2023-yilning avgustida “Barselona”dan “PSJ”ga o‘tgan edi. Transfer summasi 50 million yevroni tashkil qilgan futbolchining klub bilan shartnomasi 2028-yilning yoziga qadar tuzilgan.
Transfermarkt fransuz futbolchisini 60 million yevroga baholamoqda.
“PSJ” Chempionlar Ligasi yarim finalida “Atletiko Madrid”ni umumiy 5:4 hisobida mag‘lub etgan “Borussiya” (Dortmund) bilan o‘ynaydi.
Izoh (0)