Наманган вилояти божхона бошқармаси томонидан ўтказилган тезкор тадбир давомида айланма йўллар орқали кириб келган ва тегишли ҳужжатлари бўлмаган 13 579 қути тамаки маҳсулотларининг савдога чиқарилишига чек қўйилди. Бу ҳақда “Дарё” мухбири Азизбек Абдувалиев хабар бермоқда.
Ушбу маҳсулотларнинг умумий қиймати 108,7 миллион сўмни ташкил этади.
МИБ Янги Наманган туман бўлими томонидан амалга оширилган ижро ҳаракатлари давомида мазкур тамаки маҳсулотлари йўқ қилинди.
Вилоят божхона, МИБ, Экология ва атроф-муҳитни муҳофаза қилиш бошқармалари ҳамда ОАВ вакиллари иштирок этган тадбир давомида тамаки маҳсулотлари махсус печларда ёқиб юборилди.
Маълумот учун, бюронинг Янги Наманган туман бўлими томонидан жорий йил биринчи чораги давомида 4 та ҳолатда умумий қиймати 222,6 миллион сўмлик 28 559 қути ноқонуний олиб кирилган тамаки маҳсулотлари белгиланган тартибда йўқ қилинган.
Изоҳ (0)