Дунё мамлакатларида турлича ижро этилган машҳур эртак қаҳрамонлари (фото)

Кўпчилик севимли эртакларининг киноверсияларини севиб томоша қилади. Шу сабабдан ҳам турли мамлакатларда ҳар бир эртак ўзига хос тарзда ижро этилади. 

Қор маликаси

• Андерсеннинг “Қор маликаси” эртагининг кўплаб кинофильмлари мавжуд. Энг машҳурларидан бири бу — Алиса Френдлих ижро этган “Қор маликаси сири”.
• 2002 йилда эртакнинг Брижит Фонда ўйнаган янада замонавий версияси суратга олинган.
• Бу эртак осиёлик кино ижодкорларини ҳам илҳомлантирган. 2006 йилда Кореяда “Қор маликаси” сериали чиқади. Унинг сюжети оригиналидан жуда узоқ, унда сеҳрдан фойдаланилмайди.

Қурбақа малика ва қурбақа шаҳзода

• “Қурбақа малика” халқ эртагининг кино версияси 1939 йилда суратга олинган, Валентина Сорогожская гўзал Василиса ролини ўйнаган.
• Бошқа мамлакатларда одатда эркаклар қурбақага айланган бўлади. 1986 йилда “Қурбақа шаҳзода” фильми чиқади. Фильмда малика Зора сеҳрланган шаҳзодани ўпади ва ундан лаънатни олиб ташлайди.
• Эртакнинг шарқона версияси ҳам бор — “Ишқ жодуси” сериали. Сериалда ҳеч қандай сеҳр йўқ, бу шунчаки бой ота-онанинг эркатой ўғли хотирасини йўқотиб, меҳрибон ва оқкўнгил йигитга айланиши ҳақидаги сериал.

Қизил қалпоқча

• Кўпчилик 1977 йилда суратга олинган “Қизил қалпоқча ҳақида” номли фильмни билади.
• 2011 йилги Голливуд версиясида Валери қаҳрамони қишлоғида бўрига айланиб қолган йигитни қидиришга ҳаракат қилади.
• Аммо “Қизил қалпоқча” (2003) даҳшатли фильми Италияда суратга олинган. Фильм ижодкорлари асл сюжетдан жуда узоқлашиб кетган. Бош қаҳрамон Женни ва унинг бўри ниқобидаги одамга айланган ити Римда адолатни тиклашга ҳаракат қилади.

Оппоғой

• Ака-ука Гриммларнинг мазкур эртаги бир неча марта суратга олинган. Энг машҳур фильмлардан бири бу — Лили Коллинз бош ролни ижро этган “Оппоғой ва миттилар қасоси” фильми.
• “Ўлик малика ва етти баҳодир ҳақидаги эртак” фильми сюжет нуқтайи назаридан Пушкиннинг “Оппоғой”ига жуда ўхшайди. Ушбу асар асосида 1987 йилда “Кузги қўнғироқлар” фильми суратга олинган.
• Испанлар ҳам “Оппоғой”ни ўзига хос тарзда ижро этишган. Бу картина оқ-қора овозсиз фильмга ўхшайди.

Махлуқ

• “Соҳибжамол ва махлуқ” эртагига асосланган энг машҳур фильмлардан бири бу — Эмма Уотсоннинг Белл ролидаги версиясидир. Унинг партнёри Ден Стивенс бўлган.
• Бироқ 1946 йилда бу эртак французлар томонидан ҳам суратга олинган.
• 2014 йилда Германия ва Франция ҳамкорлигида сеҳрланган шаҳзода ролини Винсент Кассел ўйнаган “Соҳибжамол ва махлуқ” фильми экранларга чиқади. Шуниси эътиборга лойиқки, ҳар учала фильм ҳам асосий воқеалар чизиғини сақлаб қолади ва фақат деталларда фарқ қилади.

Жодугар Моргана

• Моргана — қирол Артур ҳақидаги афсонанинг қаҳрамони. Фильмларда бу сеҳргар ҳам ижобий, ҳам салбий характерга эга бўлиши мумкин. Мисол учун, Британиянинг “Мерлин” телесериалида Моргана дастлаб яхши сеҳргар эди, аммо вақт ўтиши билан у ёвуз жодугарга айланади.
• Ирландиянинг “Камелот” сериалида эса Моргана бошиданоқ қора сеҳрдан фойдаланадиган салбий қаҳрамон бўлади.

Оппоғойнинг ёвуз ўгай онаси

• “Ўлик малика ва етти баҳодир ҳақида эртак” фильми  “Оппоғой”га жуда ўхшайди. Бош қаҳрамоннинг ўгай онаси ролини Людмила Дребнева ижро этган.
• Голливуднинг “Оппоғой ва овчи” фильмида қиролича Raveнна бор. Бу ролни Шарлиз Терон ўйнаган. Бошиданоқ қаҳрамон қизларнинг ёшлиги билан озиқланадиган ва шу билан ўзининг гўзаллигини сақлайдиган ёвуз жодугар бўлади.
• “Оппоғой ва миттилар сеҳри”нинг 2019 йилги немис версияси асл эртакка жуда ўхшайди, аммо финалда миттилар қалъага гапирадиган ойнани олиб келишади, у эса ёвуз ўгай онани фош қилади.