Лига 1. Бир киши кам бўлиб ҳаракат қилган “ПСЖ” “Марсель” устидан ишончли ҳисобда ғалаба қозонди

Футбол бўйича Франция чемпионатининг 27-турида “ПСЖ” 31 март, якшанба куни “Марсель”га қарши баҳс олиб борди.

Учрашувнинг биринчи бўлимида дарвозалар ишғол этилмади. Бироқ, 40-дақиқада парижликлар футболчиси Лукас Бералдо қизил карточка олиб, майдонни тарк этди. Қолган дақиқаларда “ПСЖ” бир киши кам бўлиб ҳаракат қилди.

Иккинчи бўлимда эса Витиня ҳисобни очди. Ўйин сўнгида эса Рамуш ҳисобни ишончли кўринишга олиб келди. Шу тариқа “ПСЖ” 2:0 ҳисобидаги ғалабани расмийлаштирди.

Луис Энрике шогирдлари ушбу ғалабадан сўнг очколарини 62 тага етказди ва мусобақа пешқадамлигини янада мустаҳкамлади. 2-ўринда бораётган “Брест” ҳисобида 50 та гол мавжуд. 

Лига 1

27-тур баҳси

31 март, якшанба

“Марсель” – “ПСЖ” 0:2

Голлар: 0:1 – 53 Витиня, 0:2 – 85 Гонсалу Рамуш.

“Марсель”: Лопес, Гарсия, Мбемба (Жиго, 51), Балерди (Унаи, 73), Мерлен, Кондогбиа (Гуйе, 61), Верету, Харит, Ндиай (Пеми, 61), Луис Энрике, Обамеянг.

“ПСЖ”: Доннарумма, Ҳакими, Данилу Перейра, Лукас Бералдо, Эрнандес, Фабиан Руис (Угарте, 65), Витиня, Заир-Эмери (Шкриньяр, 77), Дембеле (Асенсио, 65), Мбаппе (Гонсалу Рамуш, 65), Коло-Муани (Ли Кан Ин, 46).

Огоҳлантиришлар: Лукас Бералдо (15), Эрнандес (38), Данилу Перейра (40), Доннарумма (45).

Четлатиш: Лукас Бералдо (40).