Ла Лига. “Реал” Родригонинг дубли эвазига “Атлетик”ни мағлуб этди

Футбол бўйича Ла Лиганинг 30-тури доирасидан ўрин олган “Реал” — “Атлетик” учрашуви 31 март, якшанба куни бўлиб ўтди.

Учрашувнинг 8-дақиқасидаёқ мадридликлар ҳисобни очди. Родриго ажойиб рейд уюштириб, узоқдан зарба бериб, дарвозани ишғол қилди. Биринчи бўлим “қаймоқранглилар”нинг кичик ҳисобдаги ғалабаси билан якунланди.

Иккинчи бўлимда ҳам устунлик қилган “Реал” яна бир бор дарвозани аниқ нишонга олди. Бу сафар ҳам бразилиялик футболчи ўз номини таблога ёздириб қўйди. Ўйин якунига қадар ишончли ҳисоб сақланиб қолди ва “Реал” ғалаба қозонди.

Карло Анчелотто шогирдлари ушбу ғалабадан сўнг очколари сонини 75 тага етказиб, пешқадамликни мустаҳкамлади.

Ла Лига

30-тур

31 март, якшанба

“Реал” – “Атлетик” 2:0

Голлар: 1:0 – 8 Родриго, 2:0 – 73 Родриго.

“Реал Мадрид”: Лунин, Карвахаль, Начо, Рюдигер, Менди, Кроос (Камавинга, 81), Вальверде (Васкес, 81), Тчуамени, Беллингҳем, Браим Диас (Хоселу, 72), Родриго (Модрич, 81).

“Атлетик”: Агирресабала, Де Маркос (Берчиче, 57), Йерай Альварес (Вивиан, 25), Паредес, Лекуэ, Pradoс (Руис де Галаррета, 57), Весга, Сансет (Муниаин, 76), Беренгер, Уильямс, Гурусета (Арес, 58).

Огоҳлантиришлар: Тчуамени (57), Начо (71), Руис де Галаррета (87).