Ёғоч билан боғлиқ экологик муаммо билан Райсa Университети тадқиқотчилари шуғулланиб келмоқда. Олимлар 3D принтерда чоп этиладиган худди ёғоч каби материал ихтиро қилишди. Бу ҳақда Europaplus нашри хабар берди.
Унинг таркибига целлюлоза ва лигнин киради. Ушбу иккала бирикма керакциз ва ёқиб юбориладиган саноат ёғоч чиқиндиларидан олинади. Экологик жиҳатдан ёғоч маҳсулотларини ёқиш атмосферага жуда зарарлидир. Бунинг ечимига эса ушбу технология орқали эришилди. Эндиликда ортиқча ёғоч маҳсулотлари 3D принтер учун қўлланилади.
Лойиҳа раҳбари Муҳаммад Раҳман бу ҳақда ўз фикрларини билдириб ўтди:
Ёғочни бевосита ўзининг табиий компонентларидан яратиш имконияти ушбу соҳада инновацион келажакнинг бошланиши учун асос бўлади. Мазкур янгилик 3D принтерда чоп этиш орқали экологик тоза ёғоч ишлаб чиқаришнинг янги даврини белгилайди.
Бироқ лойиҳанинг ўзига яраша камчиликлари мавжуд, жумладан, принтернинг сиёҳида ёғоч материалларни бирлаштириш билан боғлиқ муаммолар бор. Маҳсулот чоп этилгач, икки сутка давомида -85 даража совуқликда сақланиши, кейинчалик эса 180 даражада 30 дақиқа мобайнида қиздирилиши лозим. Мазкур жараёнлар учун жуда кўп энергия сарфланади. Шунинг учун мутахассислар альтернатив вариантлар устида илмий ишлар олиб бормоқда.
Янги 3D принтерда чоп этилган материаллар ёғоч аналогларидан деярли фарқ қилмайди: улар тузилиши, иссиқликка чидамлилиги ва ҳатто ҳиди билан ўхшаб кетади. Инновацион материал осонлик билан парчаланади ва экологик хавфсиздир. Бунинг устига, у оддий ёғочдан мустаҳкам ва чидамлироқдир.
Изоҳ (0)