АҚШнинг Техас штатидаги Остин шаҳрида бўлиб ўтган South by Southwest (мусиқа ва кино фестиваллари, конференцияларини ўтказадиган ташкилот) фестивалида томошабинлар замонавий технологиянинг ажойиб кўринишидан баҳраманд бўлди: тадбирда сунъий интеллект ёрдамида яратилган афсонавий актриса Мерилин Монронинг нусхаси — “Рақамли Мерилин” тақдим этилди.
Мазкур фестивал 8 март — Халқаро хотин-қизлар кунига бағишланди. “Рақамли Мерилин” ChatGPT ёрдамида реал вақтда фойдаланувчилар билан мулоқот қилиши мумкин, у инсонларга хос ҳис-туйғуларини билдира олади.
Лойиҳа Soul Machines вa Authentic Brands Group компаниялари томонидан ишлаб чиқилди. Улар Мерилин Монро, Элвис Пресли ва бошқа ўнлаб юлдузларнинг суратларидан фойдаланиш ҳуқуқига эга. Айни вақтда Голливудда франциялик шансон қўшиқчиси ва актриса Эдит Пиаф ҳақида биопик тайёрланмоқда. Мазкур лойиҳада ҳам сунъий интеллект имкониятларидан фойдаланиш кўзда тутилган.
Изоҳ (0)