Жиззахда 2023 йили жами 145,7 гектар ер майдонларини 3,2 млрд сўмга сотиш ҳолатларига чек қўйилгани маълум қилинди. Бу ҳақда Бош прокуратура матбуот хизмати хабар берди.
Маълум қилинишича, Жиззах вилояти прокуратураси органлари томонидан 2023 йил ҳамда 2024 йилнинг ўтган даврида ер сотиш билан боғлиқ ташкил этилган жами 70 та назорат тадбирлари натижасига кўра, 412 та прокурор назорати ҳужжатларини қўллаш орқали 938 нафар юридик ва жисмоний шахсларнинг бузилган ҳуқуқлари тикланган.
Ўтган йилда ташкил этилган назорат тадбирларида ер участкалари талон-торож қилиниши билан боғлиқ аниқланган 100 та ва жорий йилнинг ўтган даврида 19 та ҳолатлар юзасидан жиноят ишлари қўзғатилган.
Ўтказилган тезкор тадбирлар натижасида, 145,7 гектар ер майдонларини 3,2 млрд сўмга сотиш ҳолатларига чек қўйилган. Шунингдек, 52 та ҳолатда 324,8 гектар ер майдони туман (шаҳар) ҳокимликлари захирасига қайтарилиши таъминланган.
Жиноят ишлари доирасида қишлоқ хўжалиги ерларига етказилган зарар ва ноқонуний ер сотиш билан боғлиқ 4 млрд 396 млн сўм зарар аниқланиб, 2 млрд сўмга яқин зарар ундирилган.
Ўзбошимчалик билан эгалланган 1 163 та ҳолатдаги ер участкалари аниқланиб, тегишли чоралар кўрилган.
Изоҳ (0)