Франция чемпионати янги мавсумдан бошлаб Makdonalds Liga 1 номини олиши мумкин.
Бир неча мавсумдан буён турнир Liga 1 Uber Eats деб номланиб келаётган эди. Овқат етказиб бериш хизмати билан шартнома жорий мавсум якунида ўз ниҳоясига етади.
Журналист Даниэль Риолонинг хабар беришича, турнирнинг янги ҳомийси “Макдоналдс” бўлиши мумкинлигини айтиб ўтди. Янги шартномага мувофиқ Франция Профессионал Лигаси ҳар мавсумда 20 миллион евро олади. Ҳозирги битимга кўра, лига 15 миллион евро олади.
“Француз футболидаги барча тижорий музокаралар фақат “ПСЖ” атрофида бўлмоқда. Кечирасиз, лекин худди шундай. Uber Eats шартномани янгиламоқчи эди, бироқ улар Prime Video’даги томошабинларни ҳисобга олган ҳолда камроқ тўламоқчи эди. Шунингдек, бу номни ёқтирадиганлар ҳам кўп эмасди.
Шунда Винсент Лабрюн (Франция Профессионал Лигаси президенти) ўз столида янги шартнома папкасини кўрди. Бу “Макдоналдс” эди. Ҳозирча хабар расман эълон қилинмаяпти, бироқ тайёргарликлар кетмоқда. Улар бунинг устида ишламоқда”, — дейди Риоло.
Изоҳ (0)