АҚШнинг Сиэтл суди Binance крипто биржаси иқтисодий ҳуқуқбузарликлар учун АҚШ расмийларига 4,3 миллиард доллар тўлаши ҳақидаги келишувни тасдиқлади. Бу ҳақда Bloomberg хабар берди.
Ушбу шартномага кўра, Binance пулларни ва АҚШ ҳукумати санкцияларини четлаб ўтиш билан боғлиқ қонунбузарликларда иштирок этганликда айбдорлигини тан олишга рози. Binance 4,3 миллиард доллар жарима тўлайди. Компания шунингдек, беш йил давомида Sullivan & Cromwell юридик фирмаси томонидан махсус назорат остида бўлади.
Прокурорлар Binance’ни пул ювиш, банк фирибгарлиги ва Россия ҳамда ҲАМАСга Америка санкцияларини четлаб ўтишда ёрдам берганликда айблаган. Худди шундай айбловлар биржа асосчиси ва бош директори Чангпенг Чжаога ҳам қўйилган. Binance ўз айбини тан олган ва ноябрь ойида тахминан 4 миллиард доллар тўлашга рози бўлган эди. Кўп ўтмай Чжао ўз лавозимидан кетишини эълон қилган.
“Binance АҚШ молия тизимида даромад қилиб, унинг қоидаларига риоя қилмади, натижада жиноятчилар биржадан миллионлаб доллар ўғирланган маблағлар ва ноқонуний даромадларни ўтказиш учун фойдаланган”, — дейилади суд қарорида.
Изоҳ (0)