Немис археологлари Нюрнбергда Германиядаги энг катта вабо қабристонини топдилар, у ерда тахминан 1500 нафар одам дафн этилган. Бу ҳақда DW хабар берди.
Мазкур ҳудуд Австриянинг Санкт-Полтен шаҳридаги вабо қабристонидан кейин Европадаги иккинчи йирик вабо қабристони бўлиши мумкин. Ньюрнбергда 1632-1633 йиллардаги вабо пайтида 15 мингдан ортиқ одам ҳалок бўлган. Олимларнинг тахминига кўра, бу ерда эпидемиянинг бир ярим минг нафаргача қурбонларнинг қолдиқлари мавжуд. Қариялар уйи қурилиши режалаштирилган ушбу ҳудудни тайёрлаш вақтида дафн излари топилган эди.
Археологлар қабристоннинг эпидемия даврида бир неча қатламларда дафн этилган саккиз қисмининг учинчисини ўрганмоқда. Дафн этилганларнинг кийим парчалари топилган. Айрим скелетлар Иккинчи жаҳон уруши пайтида тушган бомба натижасида зарар кўрган.
Эпидемиялар пайтида оммавий дафн этиш одатда шаҳар ташқарисида амалга оширилган. Уларнинг жойлашуви ҳақида маълумотлар деярли йўқ. “Қора ўлим” эпидемияси пайтида Нюрнбергда махсус қабристондан фойдаланилган. Олимларга кўра, 19-асрда вабодан вафот этган Ньюрнберг аҳолиси мазкур ҳудудда дафн этилган.
Изоҳ (0)