Супер оғир вазн тоифасида WBA Супер, IBF, WBO ва IBO камарлари соҳиби Олександр Усик ва WBC чемпиони Тайсон Фьюри мутлақ жаҳон чемпионлигининг янги санаси маълум бўлди.
Улар ўртасидаги жанг 18 май куни Саудия Арабистонида бўлиб ўтади. Бу ҳақида саудиялик вазир Турки ал аш-Шейх маълум қилди.
Шунингдек, агар Усик ёки Фьюри май ойидаги жангдан бош торца 10 миллион доллар жарима тўлаши ҳам белгиланди.
“Агар Усик қўрқса, Энтони Жошуани Фьюри билан жангга чақиришим мумкин. Агар Тайсон қўрқса, исталган боксчини чақириб, Усикка қарши жанг қилишга кўндиришим мумкин. Бизда икки томонлама шартнома мавжуд, боксчилар буни билади”, — дейди аш-Шейх.
Усик ва Фьюри ўртасидаги жанг 17 февраль санасида бўлиб ўтиши лозим эди. Бироқ, Тайсон спарринг вақтида қошидан олган жароҳат туфайли, жанг қолдирилганди.
Изоҳ (0)