Сирдарё вилояти ҳокими Акмалжон Маҳмудалиев Жанубий Кореянинг Sun moon университети президенти Сон Же Мун бошчилигидаги делегацияни қабул қилди. Бу ҳақда ҳокимлик матбуот хизмати хабар берди.
Маълум қилинишича, мулоқот давомида 2023 йил декабрь ойида Сирдарё вилояти вакилларининг мазкур университетга ташрифи самарадорлиги алоҳида қайд этилган. Сон Же Мун Сирдарёда университет филиалини ташкил таклифини билдирган. Вилоят ҳокими Акмалжон Маҳмудалиев олийгоҳ фаолиятини йўлга қўйиш учун Гулистон шаҳри танланганини маъқуллаган.
Таъкидланишича, университетда дастлаб IT ва сунъий интеллект технологияларига асосланган бешта долзарб йўналишларда ўқитиш йўлга қўйилади. Университетни саноат тармоқларига тайёр мутахассисларни тайёрловчи таълим кластерига айлантириш кўзда тутилган. Бунинг учун таълим жараёнлари ишлаб чиқариш билан тўлиқ интеграция қилинади.
“Мулоқот якунида томонлар илгари сурилган таклифлар бўйича амалий ишларни давом эттиришга келишдилар. Ўзаро ҳамкорлик меморандуми имзоланди”, — дейилади ҳокимлик матбуот хизмати берган хабарда.
Изоҳ (0)