“Митти вайн”чи Улуғбек марҳум дўсти Фарҳод Манноповнинг опасига Gentra совға қилди (видео)

“Митти вайн” жамоаси актёри, вайнер Улуғбек Шодмонов бурнида ўтказилган муваффақиятсиз операция туфайли вафот этган дўсти Фарҳод Манноповнинг опасига автомобиль совға қилиб, унинг орзусини амалга оширди. 



“Дўстим, Худо хоҳласа сени ҳеч қайси орзунг амалга ошмасдан қолиб кетмайди. Чунки сенинг дўстларинг, жигарларинг ва жамоанг бор. Ҳамма орзуларингни амалга оширишга ҳаракат қилаверамиз”, — дейди Улуғбек Шодмонов. 

Фарҳод Манноповнинг опаси Нилуфарга Gentra автомобилини топшириш жараёнида марҳум вайнерчининг онаси ҳам иштирок этган. 

“Бу менинг совғам эмас, буни Фарҳод жигарим ният қилганди. Ўшанда унга ‘Сенинг ҳеч қайси орзунг армон бўлиб қолиб кетмайди’, дердим”, — дейди Улуғбек Шодмонов.