Ҳеч қандай маҳсулот организмни саратон касаллигидан 100 фоиз ҳимоя қила олмайди, аммо уларнинг баъзилари касалликнинг ривожланиш хавфини сезиларли даражада камайтиради. Ушбу маҳсулотлар онкологлар томонидан иложи борича тез-тез, идеал ҳолда ҳар куни истеъмол қилиш тавсия этилади, натижада касалликнинг бошланиш хавфи имкон қадар паст бўлади.
Саримсоқ
Шифокорлар саримсоқни севимли овқатларга қўшиб, иложи борича тез-тез истеъмол қилишни маслаҳат беради, чунки таркибидаги олтингугурт бирикмалари иммун тизимининг табиий ҳимоясини рағбатлантиради. Тадқиқотлар шуни кўрсатадики, саримсоқни мунтазам истеъмол қилиш ошқозон саратони хавфини 12 фоизга камайтириши мумкин.
Брокколи
Брокколи саратон касаллигининг ривожланиш хавфини олдини оладиган яна бир супер маҳсулотдир. Аммо шифокорлар огоҳлантиради: ҳеч қандай ҳолатда уни микротўлқинли печда пиширмаслик керак, чунки бу танани ҳимоя қиладиган ўсимлик флавоноидларининг 97 фоизини йўқ қилади.
Ёнғоқ
Селеннинг қимматли манбаи саратон ҳужайраларининг парчаланишига олиб келади. Шунингдек, простата саратони ривожланиш хавфини сезиларли даражада камайтиради. Корнель ва Аризона университети томонидан олиб борилган тадқиқот шуни кўрсатдики, кунига атиги иккита ёнғоқ истеъмол қилиш простата саратони хавфини 63 фоизга, йўғон ичак саратони хавфини 58 фоизга, шунингдек, бошқа саратон турлари хавфини 46 фоизга камайтиради.
Цитрус мевалар
Лимон, апельсин ва грейпфруитларни мунтазам истеъмол қилиш кекирдак, ошқозон ва оғиз бўшлиғи саратони ривожланиш хавфини сезиларли даражада камайтиради. Бундан ташқари, цитрус мевалари қизилўнгач саратони хавфини камайтиришга ёрдам беради.
Черника
Энг фойдали мевалардан бири черника бўлиб, у соғлом ҳужайраларга зарар етказадиган ва хавфли касалликларга, шу жумладан, саратонга олиб келиши мумкин бўлган эркин радикалларнинг таъсирини бартараф этадиган кўплаб антиоксидантларни ўз ичига олади. Тадқиқотлар шуни кўрсатадики, ушбу мева ўзининг фойдали хусусиятларини нафақат янги, балки қуритилган, музлатилган ва мурабболарда ҳам сақлайди.
Лосось балиғи
Умуман олганда, ҳар қандай ёғли балиқ ниҳоятда фойдали: ҳафтасига атиги тўрт порция балиқ тановул қилиш лейкемия, миелома ва лимфома ривожланиш хавфини учдан бир қисмга камайтиради. Бундан ташқари, ёғли балиқларни мунтазам истеъмол қилиш бачадон саратони ривожланишининг олдини олади.
Киви
Киви C ва E витаминлари, шунингдек, эркин радикалларни зарарсизлантирадиган ва саломатликни ҳимоя қилувчи лутеин, мис ҳамда антиоксидантларга бой.
Олма
Биринчидан, олма таркибидаги табиий клетчатка йўғон ичак саратони хавфини камайтиради. Иккинчидан, антиоксидантнинг махсус тури бўлган проциянидинлар саратон ҳужайраларини ўлдириши мумкин. Ҳақиқатан ҳам, олма қанчалик кўп истеъмол қилинса, шифокорга шунча камроқ мурожаат қилинади.
Изоҳ (0)