Xavi mavsum oxirida “Barselona”ni tark etadi.
Bu haqida murabbiyning o‘zi La Liganing 22-turidan o‘rin olgan “Vilyarreal”ga qarshi bahsdan so‘ng (3:5) e’lon qildi.
“30-iyun kuni “Barselona” murabbiyligidan ketayotganimni ma’lum qilmoqchiman. Bu qarorni prezident bilan birgalikda qabul qildik.
Menimcha, barchasini o‘zgartirish lozim. Buning barchasi futbolchilarning foydasiga.
Prezident, Deku, futbolchilar haqida o‘yladim. Ular o‘zgarishlarga loyiq.
“Barsa” uchun muammo emas, yechim bo‘lmoqchiman. Iyun oyiga qadar shunday bo‘lib qolishga umid qilaman.
10 ochko ortda qolayotgan bo‘lsak ham La Liga uchun kurashamiz.
To‘g‘ri qaror qabul qilayotganimni bilaman. Klub hammadan ustun”, — deydi Xavi.
“Barselona” Ispaniya chempionatida peshqadam “Real”dan 10 ochko ortda qolmoqda va jadvalda 3-o‘rinni egallab turibdi.
Xavi 2021-yilning noyabr oyida “ko‘k-anorranglilar” bosh murabbiyiga aylangan edi. Uning qo‘l ostida jamoa Ispaniya chempionati va mamlakat Superkubogini qo‘lga kiritdi.
Izoh (0)