Рақамли технологиялар вазирлиги вакиллари томонидан Ўзбекистон ёшларини IT соҳасида Япония IT университетларининг илғор дастурлари асосида ўқитиш, иқтидорли ёшларни IT соҳасида Японияда маоши юқори бўлган ишга жойлаш мақсадида қатор келишувларга эришилди.
Вазирлик матбуот хизматининг маълум қилишича, Япония ва Ўзбекистоннинг турли соҳалардаги илғор компаниялари, олий таълим муассасалари ҳамда тадқиқот институтлари иштирокида бўлиб ўтган “Ўзбекистон – Япония” бизнес форуми доирасида Рақамли технологиялар вазирлиги вакиллари томонидан Ўзбекистонда IT соҳаси истиқболлари, инвестицион жозибадорлик ҳамда ёшларни IT таълимга ўқитиш мавзусида тақдимот ўтказилди.
Унда IT соҳани ривожлантириш бўйича қуйидаги келишувларга эришилди:
- Вазирлик ва CАЛ Cо., Ltd компанияси ўртасида Ўзбекистонда IT таълимни ривожлантириш ва иқтидорли ёшларни Японияда IT соҳасида иш билан таъминлаш йўналишида Англашув меморандуми;
- Digital Knowledge Cо., Ltd компанияси ҳамда Жапан Digital University университети билан Ўзбекистонда генератив сунъий интеллектдан фойдаланган ҳолда Япониянинг таълим технологияларини жорий этиш йўналишида уч томонлама Ният меморандуми;
- Япониянинг Компьютерлаштириш бўйича халқаро ҳамкорлик маркази (Center оф тҳе International Cooperation фор Cомпутеризатион — CICC) ўртасида Япониянинг IT компаниялари Ўзбекистон бозорига кириб келиши ва ўзаро тажриба алмашинувини йўлга қўйиш мақсадида Рақамли ҳамкорлик алоқа қўмитаси (Liaison Committee фор Digital Cooperation)ни ташкил қилиш бўйича ҳамкорликни йўлга қўйиш учун Ният меморандуми имзоланди.
Япония IT компаниялари билан эришилган ҳамкорлик натижасида Ўзбекистон ёшлари Япониянинг юқори сифатли олий таълим дастурлари асосида Ўзбекистон ва Японияда таҳсил олиш, Япониянинг IT компанияларида амалиёт ўташ ва IT мутахассиси сифатида Японияда юқори маошли иш ўринларини эгаллашга муваффақ бўлади.
2023 йилнинг июлида Япониялик иш берувчилар Ўзбекистондан ахборот технологиялари соҳаси мутахассисларини жалб қилиш ниятида эканини маълум қилганди.
Ташқи меҳнат миграцияси агентлигида Япониянинг CАЛ Cо.,Ltd ва Center оф тҳе International Cooperation фор Cомпутеризатион компаниялари раҳбарияти билан учрашув ўтказилиб, унда Японияда IT соҳасида ишчи кучи етишмаслигини инобатга олган ҳолда, Ўзбекистондан мутахассислар жалб қилиш, бунинг учун соҳани мукаммал ўргатиш мақсадида япониялик ушбу соҳа вакилларини жалб қилиш ҳамда япон тили курсларини ташкил этишга доир масалалар муҳокама қилинганди.
Ушбу компаниялар айни пайтда Жанубий Корея ва Мўғулистонда ахборот технологиялари мактабларини очиб, шу кунга қадар 300 га яқин мутахассисни тайёрлаб, ўз компаниясига ишга жойлаштирган.
Изоҳ (0)