Тармоқларда “Ўзбекистон темир йўллари” ишчи-ходимлари маошлари камайтирилгани ҳақида хабар тарқалди. Ташкилот мазкур хабарларга муносабат билдирди.
Маълум қилинишича, “Ўзбекистон темир йўллар”нинг 2023 йил 7 декабрда “Президентнинг 2023 йил 17 ноябрдаги фармони ижросини таъминлаш тўғрисида”ги буйруғи имзоланган бўлиб, унда иш ҳақи миқдорини ошириш белгиланмаган ҳамда иш ҳақи миқдорлари ўзгаришсиз қолдирилган. Мазкур буйруқда Меҳнат кодекси, Тармоқ жамоа келишуви ва меъёрий ҳужжатларда кўрсатилган моддий ёрдам, мукофот, компенсация тўловлари ва бошқа тўловларни ҳисоблашда қўлланиладиган меҳнатга ҳақ тўлашнинг энг кам миқдори, базавий ҳисоблаш миқдори ва бошқа шу каби тўлов миқдорларининг 2023 йил 1 декабрдан янги миқдорлари тасдиқланган.
Президентнинг 2023 йил 10 октябрдаги “Ўзбекистон Республикаси темирйўл транспорти соҳасини тубдан ислоҳ қилиш чора-тадбирлари тўғрисида”ги қарорига мувофиқ темир йўл соҳасида трансформация, рақамлаштириш, йўловчи ва юк ташишда хавфсиз ва сифатли хизмат кўрсатишни таъминлаш, барқарор инвестиция муҳитини яратиш, ҳаракат тартибини янгилаш ва молиявий ҳолатни мустаҳкамлаш устувор вазифа этиб белгиланган бўлиб, ҳозирда бу борада жамиятда амалга оширилмоқда.
Шу сабабли қўшимча даромад манбалари аниқланиб, жамиятнинг молиявий ҳолати барқарорлашганда иш ҳақи миқдорларини қўшимча тарзда ошириш режалаштирилган.
Изоҳ (0)