Фарғона вилояти ИИБ Киберхавфсизлик бўлинмаси томонидан тегишли мутасадди идоралар билан ҳамкорликда ўтказилган тадбирда ноқонуний майнинг ферма фаолиятига чек қўйилди. Бу ҳақда ИИВ Киберхавфсизлик маркази хабар берди.
Қайд этилишича, 22 ёшли И.М. ноқонуний майнинг ферма ташкил қилгани аниқланган.
Ушбу майнинг ферма электр тармоғидан ноқонуний фойдаланиши натижасида 7 миллиард сўм миқдорда моддий зарар етказган.
Мазкур ҳолат юзасидан Жиноят кодексининг 169-моддаси (ўғрилик) 4-қисми “а” банди билан жиноят иши қўзғатилиб, тергов, тезкор-қидирув ҳаракатлари олиб борилмоқда.
Бундан аввал Самарқанд вилояти Нуробод туманида ноқонуний майнинг ферма аниқланганди. Вилоятнинг Паст Дарғом туманидаги нотурар бино ертўласида майнинг ферма ноқонуний равишда электр тармоғига уланиши оқибатида 2 миллиард 237 миллион сўм зарар етказилганди.
Изоҳ (0)