Тошкент шаҳар Экология бошқармаси Анҳор канали бўйидаги дарахтлар кесилаётгани юзасидан тарқалган хабарларга муносабат билдирди.
Маълум қилинишича, Тошкент шаҳар Ободонлаштириш бош бошқармасининг Марказий майдонларни ободонлаштиришга ихтисослаштирилган бўлими томонидан Тошкент шаҳар Экология, атроф-муҳитни муҳофаза қилиш ва иқлим ўзгариши бошқармасига пойтахтдаги аҳоли гавжум жойлардан бири бўлган Анҳор канали бўйида терак ва чинор дарахти эгилиб, авария ҳолатига келиб қолгани тўғрисида ариза келиб тушган.
Ушбу ариза Юнусобод тумани экология, атроф-муҳитни муҳофаза қилиш ва иқлим ўзгариши бўлими масъулларидан иборат ишчи гуруҳи томонидан белгиланган тартибда кўриб чиқилганда, мазкур дарахт ҳақиқатдан ҳам фуқароларнинг саломатлиги ва мол-мулкига жиддий хавф солиш эҳтимоли баланд бўлгани аниқланган ва кесиш учун тегишли хулоса тақдим этилган.
Аввалроқ Тошкент вилояти Тошкент туманида жойлашган манзарали боғдорчилик ва ўрмон илмий-тажриба хўжалиги (халқ тилидаги “Дендропарк”) ҳудудида яшиллик даражаси қисқараётгани аниқланганди. Кўп ўтмай Бош прокуратура матбуот хизмати ҳолат юзасидан жиноят иши қўзғатилганини маълум қилди.
Изоҳ (0)