Исроил ҳарбийлари тунда Ғазо сектори шимолидаги Жабалия қочқинлар лагерига зарба берди. Оқибатда камида 90 киши ҳалок бўлди. Бу ҳақда Al Jazeera хабар берди.
Бундан ташқари, сектордаги Соғлиқни сақлаш вазирлиги бош директори Мунир ал-Буршнинг айтишича, Исроил икки турар жой биносига зарба бергани оқибатида камида 33 киши, жумладан, камида 15 бола ҳалок бўлган. 100 дан ортиқ одам бедарак йўқолган. Тез тиббий ёрдам ходимлари ва аҳоли ярадорларни қидирмоқда, вайроналар остида яна кўп жасадлар борлиги тахмин қилинмоқда.
Таъкидланишича, 50 киши вайроналар остида қолмоқда. Фаластинлик қутқарувчилар ҳудудга етиб бора олмаяпти. Исроил кучлари лагер атрофини танклар билан қуршаб олиб, Жабалияга икки ҳафта давомида ҳужум қилди. 17 декабрь куни тунда ҳудудга ҳаво ҳужумлари кучайган.
- Жабалия Ғазо секторидаги саккизта фаластинлик қочқинлар лагерининг энг каттасидир. У 1948-49 йиллардаги араб-исроил урушидан сўнг ташкил этилган ва БМТ рўйхатидан ўтган 116 минг қочқин яшайди. Исроил лагерни ҲАМАС таянчи деб билади.
Изоҳ (0)