Россия президенти Владимир Путин СССР парчаланганидан кейин Ғарб Россияни “йўқ қилмоқчи” бўлганини айтди. Бу ҳақда “РИА Новости” маълум қилди.
Путин 2000 йилларнинг бошида Ғарбнинг Россияга қандай муносабатда бўлганлиги ҳақида содда тасаввурга эга бўлганини билдирди, гарчи у салкам 20 йил хавфсизлик идораларида ва ташқи разведкада ишлаган, Санкт-Петербург мерининг ўринбосари, “ФСБ” директори, Хавфсизлик кенгаши котиби ва ҳукумат раиси бўлган бўлса ҳам.
Шу билан бирга, Путин Ғарб давлатларининг сиёсатида Россияга нисбатан салбий ҳаракатлар, масалан, мамлакат ҳудудида сепаратизм ва терроризмни очиқ қўллаб-қувватлаш кўзга ташланаётганини айтди.
“Аммо мен соддалигимга бориб, бу шунчаки фикрлаш ва ҳаракатнинг инерцияси эканлигига ишонардим — улар СССР билан курашишга кўникиб қолишди ва давом этишади каби”, — дея тушунтирди у.
Россия президентининг таъкидлашича, ҳақиқат бутунлай бошқача эди.
“Ҳақиқатлар шундай Совет Иттифоқи парчаланганидан кейин улар сабр қилишимиз керак ва Россияни ҳам парчалаймиз, деб ўйлашди”, — деди у.
Путиннинг сўзларига кўра, Европа стандартлари бўйича бундай йирик давлат Ғарбга керак эмас эди ва улар, машҳур америкалик сиёсатчи Збигнев Бжезинский таклиф қилганидек, беш қисмга бўлиш энг яхшиси, уларни алоҳида-алоҳида бўйсундириб, ресурсларидан фойдаланиш керак эди.
Йил якунларини сарҳисоб қилар экан, агар шундай имконият бўлса, Россия президенти 2000 йилги ўзини нимадан огоҳлантирар эди, деган саволга жавоб берди. Путиннинг сўзларига кўра, у Ғарбга нисбатан ўта содда ва ишонувчан бўлишдан ўзини огоҳлантиради.
Изоҳ (0)