Суперлига. “Сурхон”да ишончли, “Андижон” ва “Қизилқум”да минимал ғалаба, “Олимпик” сафарда “Металлург”га имкониятни бой берди

Футбол бўйича Ўзбекистон Суперлигасининг 26-туридан ўрин олган ўйинлар 1 декабрь, жума куни бўлиб ўтди.

“Сурхон” сафарда “Сўғдиёна” меҳмони бўлди. Учрашувнинг биринчи бўлимида дарвозалар ишғол этилмади. Иккинчи бўлимда сурхонликлар ҳисобни очди. 52-дақиқада Суннатиллоҳ Ҳамиджонов ўз номига гол ёздириб қўйди. 77-дақиқада Сильванус Нимели ҳисобни ишончли кўринишга олиб келди. Қолган дақиқаларда гол урилмади ва “Сурхон” ғалаба қозонди.

“Қизилқум” “Турон” устидан 1:0 ҳисобида зафар қучди. Учрашувдаги ягона гол 38-дақиқада Асадбек Асадов томонидан урилди.

“Андижон” ва “Бухоро” ўртасидаги баҳсда ҳам 1:0 ҳисоби қайд этилди. “Андижон” футболчиси Сардор Абдунабиев 10-дақиқада бухороликлар дарвозасини ишғол қилди ва жамоасига ғалаба келтирди.

“Металлург” “Олимпик”ка қарши баҳс олиб борди ва 2:1 ҳисобида ғалаба қозонди. “Металлург” сафида Ҳусниддин Ғофуров дубль муаллифига айланди. “Олимпик” таркибида Жасур Жалолиддинов ўз номини таблога ёздириб қўйди. 

Суперлига

26-тур

1 декабрь, жума

“Сўғдиёна” – “Сурхон” 0:2

Голлар: 0:1 — 52 Суннатиллоҳ Ҳамиджонов, 0:2 — 77 Сильванус Нимели.

“Қизилқум” – “Турон” 1:0

Гол: 1:0 — 38 Асадбек Асадов.

“Андижон” – “Бухоро” 1:0

Гол: 1:0 — 10 Сардор Абдунабиев. 

“Металлург” – “Олимпик” 2:1

Голлар: 1:0 — 10 Ҳусниддин Ғофуров, 2:0 — 64 Ҳусниддин Ғофуров, 2:1 — 87 Жасур Жалолиддинов.