Криштиану Роналду “Ан-Насср”нинг Осиё Чемпионлар Лигасидаги сўнгги ўйинини ўтказиб юборади.
Ар-Риёд жамоаси 6-турда “Истиқлол”га қарши баҳс олиб боради. Тожикистонда бўлиб ўтадиган учрашув 5 декабрь, сешанба куни 21:00 да старт олади.
Роналду қайдномага киритилмади ва жамоа билан биргаликда Душанбега учмади. “Варзиш” телеканали хабарига кўра, португалиялик футболчи “Персеполис”га қарши ўйинда (0:0) олган жароҳатидан тўлиқ қутулмаган ва Саудия клуби раҳбарияти унга дам беришга қарор қилган.
“Ан-Насср” гуруҳ босқичида 13 очко жамғарган ҳолда плей-офф масаласини ҳал қилган. “Истиқлол” эса 2 очко билан сўнгги ўринни эгаллаб турибди.
Изоҳ (0)